اليوم الأربعاء 18 أكتوبر 2017 - 2:04 مساءً
أخر تحديث : الجمعة 18 سبتمبر 2015 - 11:38 صباحًا

ساتيرا الانتخابات رقم(10) الكُرسي وَالمِسْنَدْ.

مُواصَفات كُرسي الرِئاسّة “وَمِسْنَدْ الظَّهِرْ”…
1- مِنَ المُهِمْ أنْ تَكونَ مُلائَمَة بَيْنَ مَبنى الكُرسي ومَبنى “مِسْنَدْ الظَّهِرْ” مِنْ أجلِ أن يكونَ الكُرسِّيُّ ثابِتاً وَمُسنِداً للشَّخصِ الجالِسِ فَوقَهُ. (لأن المَسؤولِيَّة كبيرة والحِملُ ثَقيلْ وإذا لَم يَكُن تَوافُقٌ بَينَ القَولِ والعمَل بتِبدأ الكُرسي تِتْروجَحْ وَيِتْهَزْهَزْ ز ز ز ز ز ز….)
2- يَجِبْ التَشديدُ بِأن يَكونَ “مِسْنَدْ الظَّهِرْ طَري” لَيِّناً كَيْ يَسمَحْ بإسناد الظَهرِ الى الخَلفْ. فهذهِ المُواصَفات تُساعِدُ على تَنشيط جَريان الدَّم في الجِسِمْ وإيصال الأُكسُجين في الدَورة الدمَوِيّة وحَرَكَة العضلاتْ. (لأنه اللي قاعِدْ على كُرسي الرِئاسة عَليهِ إِنُّه يوخِذْ نَفَسْ عَميق يِسْنِدْ ظَهرُه لَوَرا وْيْعِدْ للعَشَرة… عَشانْ لمّا بدو يِتَخِذ قرار أو يِمظي على وَرَقَه يْحُط مَخافِة رَبُّه قُدامُه لأنهُم كُل أهل جَت عِيلة وحَده وْمَشْ عائلاتْ نَعَمْ مَشْ عائلاتْ عَشان خِدِمتُه العادلة تْوَصِّلْ الأكسُجينْ لَكُل الجِهاتْ بِجِسمُه ولَكُلْ الحارات لأنه في حارات بِنِقطِعْ عنها الأكسجين 4 سنين وشوَيِّه!!!)
3- من المُفَضَلْ إختيارْ (فَرِشْ)ריפוד قماشْ مَعْ مَساماتْ مُشْ مْسَكَرَة אטום يَعني “بِتْنَفَسْ” والذي يَسمَحْ بِحَرَكة هواءْ “يَعني الهَوا بِروحْ في وْبيجي”. وكذلك الابتعاد عن الجِلِدْ لأنُه يُؤَدي الى التَعَرُق. (الخوف إذا اللي قاعِدْ على كُرسي الرِئاسة لا بوخِذْ ولا بَعطي وْصِعِبْ التَفاهُم مَعُه ساعِتْها بِتْعَصبَنْ بِسُرعة بِعْرَقْ وقراراتُه بِتكُنِشْ مَدروسِه. وكُلْ ال מזגנים ما بِتْبَردُه يَعني لازِمْ يْكون طَويل روح والحكي مَعُه بِروح وْبيجي بالزَبط مِثلِ الهوا بِروح وبيجي… بِروح وبيجي.
4- يجب أن يكون إسفنج المَقعَدْ والظَهْرِيِّه המשענת مَرصوصْ بِشَكِلْ مُختَلِفْ. لأنه كُل الحِمِلْ على المَقعَدْ مُش على الظهرِيّه. (لأنُه سِيادِة الرَيِّسْ رايِحْ يْطَوِلْ بالقَعدة ولازِمْ يِتحَمَلْ لِمْليحَة وِالعاطلة. وْلازِمْ يِفْهَم إنها الناسْ إنْتَخْبَتوا عَشانْ يِخدِمهُمْ مُش عَشان يِخْدِموه…وكمان المنَصِبْ تكليف مُش تَشريفْ…)
5- إرتفاع الكُرسي ما يْكون أكثَر مِن اللازِمْ عالي عَن مُستوى سَطح الطاولة وْإدِينْ الكُرْسي يكُنِنْ مُتَحَرِكات מתכווננות عَشانْ يكون ملائَمَة بين الارتِفاع والطاولة (وبهاي الحالة الرئيس المَعهود بِقدَر اشوف الناس على مُستَوى سَطحْ البَحَرْ وْمُشْ فوق مُستَوى البَحرْ الأبيَض المُتَوَسِطْ. ويِحكي مَعهُم بِمستوى العِنينْ يَعني بالعِبراني בגובה העיניים وْيِنزِلْ لَعامِة الشَّعِبْ وْيِحكي مَعْ كُلْ واحَدْ بِعَقْلِيتُه يَعني حَدِثوا الناسَ بِعُقولِها. وبِالفَلاحي بِلزَمشْ تَشبْرَه وْمَناخير بِالسَّما…لأنُه اللِّي بِوَصْلو أيْ رئيس للكُرسي بِنَزْلو أيْ رئيس عَن الكُرسي وْبِصيرْ تَحتْ سَطح البَحرْ بِ (429.04 – مِتِرْ) مِثل البَحر الميت حَسَبْ مُعطَيات سنة 2015.

لارسال مواد وصور لموقع اشراقة راسلونا على ishraqasite@gmail.com

موقع اشراقة وادارته غير مسؤولين على ما يكتب في التعقيبات فانها بمسؤولية كاتبها...

أوسمة :

اتـرك تـعـلـيـق 0 تـعـلـيـقـات

قوانين وسياسة الموقع